اللى بيقول نرجع ميدان التحرير .. حمار و غبى لأن التحرير فقد قيمته و أهميته !!.
اللى بيقول ان اللى فى العباسية ولاد ابو اسماعيل .. حمار و غبى لانه ما ينفعش يبرر قتل حيوانات .. مش انسان مسالم !!
اللى بيقول فين المليونيات بتاعة الاخوان و السلفيين .. حمار و غبى لأن اللى فى العباسية بييجوا و بياكلوا و بيتقتلوا على حسابهم !!
اللى بيقول المجلس العسكرى فاضل له أيام .. حمار و غبى وكان برضه بيقول نسيب مبارك بعد موقعة الجمل الكام شهر اللى فاضلين له !!
اللى بيخاف من سيرة أخو الظواهرى .. حمار و غبى ويروح يسأل اللى خرجه من السجن من اسبوعين تقريبا هو خرجه ليه !!
اللى بيتكلم عن أسلحة و دقون .. حمار و غبى لانه مش واخد باله من ان فيه مراكز ابحاث و جهات امنية متعددة ، بترصد كل نفس ، و بتحلله ، و بتعرف ازاى تضحك عليه !!.
اللى بيقول الاقتصاد واقع .. حمار و غبى لأنه ما يعرفش ان ده من أسباب قيام الثورة من الاصل !!
اللى بيتكلم عن الامن .. حمار و غبى لأن الأمن ريموت كنتروله مش فى ايد الثوار ، و يروح يسأل اللى وفره فى الانتخابات ومنعه بعدها ، و يسأل عمل ايه بيه وقت ما ماتوا الاولتراس فى بور سعيد !! .
اللى بيتكلم عن الثورة و خساير البلد .. حمار و غبى .. لان الثورة ما حكمتش ، و عليه انه يسأل الحاكم عن ثروات البلد دى بتروح فين !!.
اللى بيستغرب عن تأخر انضمام العسكريين للثورة .. حمار و غبى لانه الجيش قوامه العددى 400 الف ، و القاهرة لوحدها 15 مليون .. عليه انه يستغرب من الشعب !! .
(((( دلوقتى الغلبة العددية للثوار ، و المطلب واحد و واضح و صريح ، و الانسان المصرى هو اللى بيعمل مؤسسات الدولة مش العكس ، و الحرمة للانسان مش للطوب و الحجر و المبانى ، واللى ما اتعملش فى سنة و نص مش هيتعمل فى الكام يوم اللى فاضلين ، و ما صدقنا نتجمع من تانى فى مكان يوجع قلب العسكرى ))))
* يعنى غبااااااااء ان العباسية ينفض ، ولازم حشد مستمر لهناك .
* تسليم السلطة لمجلس رئاسى او حكومة ائتلافية ( أيا كان المسمى ) ليسير الاعمال و يطهر المؤسسات و الوزارات و يوقف العمل بالدستور ، و يحل كل الاحزاب و كل المجالس ، و يدعو الشعب لابداء رأيه فى دستور يعده رؤساء النقابات المنتخبين تحت اشرافه ، و بعد الموافقة الشعبية عليه يتم اجراء الانتخابات البرلمانية ، و يتبعها الرئاسية ليتسلم الرئيس مقاليد الدولة منه .
* طول ما اّليات الثورة لم تحقق .. هتفضل تلاقى ثوار عاملين قلق .
* ما فيش دستور ولا انتخابات رئاسية تحت حكم قتلة ، و أى حد يشارك يبقى كلب ( ... ) مش عايز غير مصلحته .
* المجلس البشع لو هماه البلد بجد مش مصلحته .. ما كانش هيفرق معاه انه يتحل ولا لأ .
* المجلس البشع لو الاكثرية اللى فيه ضامنه انها ترجع تانى فى مجلس جديد .. ما كانش فرق معاها انه يتحل .
* المجلس البشع لو الاكثرية اللى فيه معبرة بجد عن الشارع و انهم رجالتهم و مؤيديهم .. يبقى مين اللى خرب البلد و ملاها فساد طول السنين اللى فاتت ؟!!!!!!!!!!!
* مجلس الـ 19 حمار لو فى نيته البلد و الحدود و صورة الجيش بجد .. كان ما يصدق انه يسلم السلطة لمجلس مدنى من الاول ، و كان فهم ان رفض شعبى لمجلس مدنى اهون 85 مليون مره من تركه للحدود و تدهور صورته و توريطه فى جرايم ضد أهله و ناسه .
حسابك الشخصى يعد منبرا اعلاميا ..>> شير لنتشارك فى اجابة السؤال !!.
كم عدد الحمير فى مصر ؟
0 Comments:
إرسال تعليق
ارجوك أن تعلق بكل هدوء وعقلانية